Albisteak eta oharrak

Asteazkenean, azaroak 20, jarriko du Donostia Kulturak salgai neguko arte eszenikoetako programazioa.

Aurtengo edizioaren erdia igarota, Literaktum jaialdiaren bigarren astea ere jardueraz beteta dator.

TOPIC Tolosako Nazioarteko Txotxongilo Zentroaren laguntzarekin, Victoria Eugenia Antzokiak erakusketa bat eta txotxongilo-ikuskizun sorta bat jasoko du adin guztietako ikusleei zuzenduta.

Donostiako Giza Eskubideen 22. Zinemaldian izena emateko epea azaroaren 7tik urtarrilaren 8ra bitartean egongo da zabalik.

Literaktum letren jaialdiak azaroaren 11tik 24ra du aurtengo hitzordua. Sail eta proposamen berriekin eta, ohi denez, kolaborazio-sare zabalarekin gauzatuko da.

Hautaketa prozesuan parte hartzeko taldeek izen-ematea osatu eta hautaketa prozesu honen oinarrietan zehazten den materiala bidali beharko dute, 2024ko azaroaren 29aren 14:00ak baino lehen.

Urriaren 25ean, ostirala, Nacho Vigalondo zuzendari duen Daniela Forever (2024) euskal produkzioak emango dio hasiera Donostiako Fantasiazko eta Beldurrezko Zinemaren 35. Asteari Antzoki Zaharrean, eta Pablo Hernandoren Una ballena (2024) euskal produkzioak bertan emango dio amaiera azaroaren 1ean.

Antzerkigintza Berriak programan sortutako zortzi lanak xeheki aztertu ondoren, balorazio-batzordeak Sergio Serrano Roviraren Los días infinitos lana hautatu du, "bere literatura- eta antzerki-sinesgarritasunagatik". Batzordearen epaiak honako hau dio obrari buruz: "proposamen originala eta kalitate literariokoa da, egitura dramatiko oso eraginkorra, elkarrizketa onekoa, gizatasun eta indar dramatiko handikoa".

Ikasturtero 4 eta 16 urte bitarteko 5.500 ikasle baino gehiago hurbiltzen dira Donostia Kulturako antzokietara Eskolatik Antzokira programaren barruan. Programa honek antzerki, dantza eta zirku ikuskizunak proposatzen ditu ikasleen adin tarte guztietarako, bakoitzak bere material didaktiko osagarria izaten duelarik. Aurten 6 ikuskizun eskaini zaizkie eskolei eta erreserbak egiteko epea urriaren 1etik 11ra izango da.

Fantasiazko eta Beldurrezko Zinemaren Asteak, urriaren 25etik azaroaren 1era garatuko den 35. edizio honetan, Animedon – Donostiako Anime Topaketa izeneko sail berri bat inauguratuko du.

Jarraian urriaren 25a eta azaroaren 1a bitartean ospatuko den Fantasiazko eta Beldurrezko Zinemaren 35. Astean zenbait film luzeren aurrerapena. Programazio osoa urriaren erdialdean jakinaraziko da.

Nacho Vigalondok zuzendutako film berriak, Daniela Forever (2024) euskal koprodukzioak, urriaren 25ean Donostiako Fantasiazko eta Beldurrezko Zinemaren 35. Astea inauguratuko du Antzoki Zaharrean. Astea urriaren 25etik azaroaren 1era bitartean garatuko da Principal eta Victoria Eugenia antzokietan eta hiriko beste agertoki batzuetan.

Iturritik Jaialdia urriaren 15etik 20ra burutuko da Donostian. Guztira, aretoko 4 dantza-ikuskizun eta kaleko emanaldi bi izango dira, gehienak Euskal Herriko konpainienak: Kukai Dantza, Gero Axular, Eskola Dantza Taldea, Aukeran Dantza Konpainia eta Berritza. Sarrerak irailaren 13an salgai, goizeko 11:30ean.

Albiste honetan Donostia Kulturaren guneen 2024-2025 ikasturteko ordutegiak bildu ditugu. Kontrakoa esaten ez den bitartean, ordutegi hau irailaren 5ean sartuko da indarrean. Bitartean, udako ordutegia dugu martxan; erreparatu ere matrikulazio ordutegiei. Bukatzeko, aintzat hartu eskoletako opor garaian (gabonetan eta Aste Santuan) ordutegiak beste batzuk izan daitezkeela.

Donostia Kultura eta Euskal Idazleen Elkartea dira urtero irailean egin ohi diren Poesia Orduak errezitalen antolatzaileak. Aurten ere bi antolatu dira, Victoria Eugenia Cluben, iluntzeko 19:00etan. Hilaren 2an, Presbiziak lagundu omen digu (Edu Zelaieta eta Mugaldekoak) eta hilaren 3an, Galbahea. Ez gara dena ahazteko nahikoa biziko (Gotzon Barandiaran).

Astelehenean, abuztuak 5, jarriko du Donostia Kulturak salgai udazkeneko arte eszenikoetako programazioa.

59. Donostiako Jazzaldiak arrakasta itzela izan du, alde batetik, egundoko maila artistiko eta musikalari esker, eta bestetik, jendearen erantzun ikaragarriari esker, ia kontzertu guztietan gainezka egin baitu, orotara 185.600 entzule izan direlarik.

Álex de la Iglesia, azken 30 urteetako munduko fantasiazko zinemaren izen handienetako bat, urriaren 25etik azaroaren 1era izango den Fantasiazko eta Beldurrezko Zinemaren 35. Astearen karteleko protagonista da.

Albiste honetan Donostia Kulturako guneen udako ordutegiak bildu ditugu. Kontrakoa esaten ez den bitartean, ordutegi hau ekainaren 24tik irailaren 15era izango da indarrean, biak barne.

Ekainaren 15ean Donostiako Fantasiazko eta Beldurrezko Zinemaren 35. Astean lanak aurkezteko epea irekiko da. Aurtengo jaialdia urriaren 25a eta azaroaren 1era bitartean egingo da. Izena emateko azken eguna abuztuaren 19a izango da.

Ekainaren 4tik 8ra Real Sociedad Fundazioak Donostia Kulturaren laguntzarekin antolatutako Korner jaialdiak kultura eta futbola elkartuko ditu beste behin. Hainbat gunetan gauzatuko da (Anoeta Estadioa, Tabakalera, Chillida-Leku), eta baita Donostia Kulturako hiru espaziotan ere: Ernest Lluch Kultur Etxea, Antzoki Zaharra eta Victoria Eugenia Cluba.

Victoria Eugenia Antzokia munduko edozein lekutatik ezagutu ahal izango da www.victoriaeugenia.eus webgunean eskuragarri dauden hiru bisita birtual berrien bidez. Eraikinaren eta hainbat aretoren ezaugarriak bertatik bertara ikusteaz gain, antzokiaren alderdi teknikoak ezagutu ahal izango dira. Era berean, antzokiaren areto bat alokatu nahi dutenei zuzendutako bisita birtuala ere ikusgai da webgunean.

Bihar, maiatzak 23, jarriko du Donostia Kulturak salgai udako arte eszenikoetako programazioa. Guztira, 24 ikuskizun dira: hemezortzi antzezlan, lau kontzertu, dantza ikuskizun bat eta haur emanaldi bat. Bestalde, udazkenean izango diren 3 ikuskizunen berri eman du.

Thierry Malandain koreografoaren Malandain Ballet Biarritz konpainiak Urtaroak, bere azken sorkuntza, ekarriko du maiatzaren 24an Victoria Eugenia Antzokian (maiatzaren 24-26 bitartean izango dira emanaldiak). Estreinaldiaren inguruan hainbat jarduera antolatu dira.

Donostiako Giza Eskubideen 21. Zinemaldiak, hiriko Udaleko Giza Eskubideen arloak eta Donostia Kulturak antolatuta apirilaren 12tik 19ra bitartean garatuak, publikoaren erantzun bikaina eta euskal zinemaren presentzia nabarmena izan du, baita palmaresean ere.

The Festival Academyk, Europako Jaialdien Elkartearen (EFA) ekimenak, dFeria eta Victoria Eugenia Antzokiarekin lankidetzan, eskaerak aurkezteko deialdia egiten du Atelier for Young Festival Managersen 23. ediziorako, 2025eko martxoaren 11 eta 17 bitartean Donostian burutuko dena.

Datorren astelehenean, apirilak 29, Dantzaren Nazioarteko Eguna ospatuko da. Antzerkiaren Institutu Nazionaleko (ITI) Dantza Batzordeak Jean-Georges Noverre (1727-1810) ballet modernoaren sortzailearen urtebetetzea ospatzeko sortu zuen 1982an. Aurtengo manifestua Marianela Núñez dantzari argentinarrak idatzi du.

Indarkeriaren oi(h)artzunak (Amaia Merino eta Ander Iriarte; Espainia, 2023) filmak Donostiako Giza Eskubideen 21. Zinemaldian Ikusleen Saria Film Luze Onenari lortu du.

Liburuaren Nazioarteko Egunean, apirilaren 23an, Donostia Kulturak, Gipuzkoako Liburudenden Elkartearekin batera, azoka antolatuko du Gipuzkoa plazan, 9:15etik 20:00etara. Haur zein helduentzako ekitaldi ugari izango dira baita Aiete, Okendo eta Tomasene Kultur Etxeetan eta Victoria Eugenia Cluben ere.

Fernando León de Aranoa zinegileak jasoko du aurten Donostiako Giza Eskubideen Zinemaldiaren Saria. Sariaren entrega ostiralean, apirilak 12, 20:00etan Victoria Eugenia Antzokian ospatuko den inaugurazio emanaldian izango da.

Giza Eskubideen 21. Zinemaldiko Artea eta Giza Eskubideak, haur eta gazteen 20. ekitaldia erakusketa irekita egongo da apiririlak 12tik 19ra Victoria Eugenia Antzokian (sarrera Okendo plazatik).

Errobi (Anje Duhalde eta Mixel Ducau) euskal folk-rock bikoteak jasoko du 2024ko Adarra Saria, Donostiako Udalaren eta Donostia Kulturaren eskutik. Ekainaren 21ean, arratsaldeko 19:30ean, Victoria Eugenia Antzokiko oholtzan jasoko du saria eta segidan kontzertua eskainiko du. Kontzerturako sarrerak ostegunean, apirilak 11, jarriko dira salgai, goizeko 11:30ean.

XVI. Dantza Kalean eta XXVI. Kontxako Barandak emango diote hasiera hurrengo asteburuan, apirilak 20 eta 21, Gipuzkoako Dantza Profesionalen Elkarteak (APDG) antolatutako Dantza Hilabetearen ospakizunei, apirilaren 28an egingo den Dantzaren Nazioarteko Eguneko XXVII Galarekin itxiko dena.

Osasun mentala, Palestinaren egoera, migrazioak, lanaren etorkizuna, Ukrainako haurrak eta transexualen eskubideak izango dira zinemaldiko film eta solasaldietako gaietako batzuk eta erakusketak ere izango dira hiriko hainbat tokitan.

Datorren asteazkenean, martxoak 27, Antzerkiaren Nazioarteko Institutuak 1961. urtean sortu zuen Antzerkiaren Nazioarteko Eguna ospatuko da eta aurtengo mezua Norvegian jaiotako Jon Fosse idazle eta dramaturgoak idatzi du (euskarazko itzulpena: BITEZ S.L.). Egun horretako ospakizunen barne, XXIV. Donostia Antzerki Sariko gala antolatu da Victoria Eugenia Antzokian. 

Hona hemen Donostia Kulturako guneen ordutegia martxoaren 25etik apirilaren 7ra bitartean. 2023-2024 ikasturtean zehar ohikoa den ordutegiarekin alderatuta hainbat aldaketa dago.

dFERIAren 2024. edizioak jarraipena eman dio azken urteotan abian jarritako nazioartekotze-ildoari, batez ere Europari begira. Italia izan da edizio honetako herrialde gonbidatua, Istituto Italiano di Cultura di Madriden laguntzari esker. Horrek fruituak eman ditu, eta nazioarteko profesional akreditatuen kopurua nabarmen handitu da, ia %27 igo da.

Emozioz beteriko egunen ostean, XXX. dFERIAk, askotariko proposamenak eta jarduerak biltzen eta hainbat ikuskizun mota barne hartzen dituen jaialdiak, amaiera emango dio programazioari azken eguneko antzezlan eta dantzekin. 

XXX. dFERIAk aurrera jarraitzen du ikuskizunez beteriko programazioarekin. Italia, edizio honetako herrialde gonbidatua, paper protagonista betetzen ari da egun hauetan hainbat emanaldi eskainiz.

XXX. dFERIA bere bigarren egunean barneratzen da ikuskizunak, jarduera profesionalak eta sektore publikoaren greba ardatz izango dituen programazio desberdin batekin.

XXX. dFERIA, Donostiako arte eszenikoen jaialdia, ikusmin handiarekin hasiko da gaur. Martxoaren 14ra arte ospatuko den feriak dantza eta antzerki-ikuskizunen programazio zabala eskaintzen du, baita sektorearentzako jarduera profesionalak ere.

Martxoaren 8ko ospakizun eta aldarrikapenen harira, Donostia Kulturak hainbat ekitaldi antolatu edo lagundu du. Albiste honen helburua da martxoaren 2tik 9ra gure guneetan dauden jarduera nabarmenenak biltzea.

Otsailaren hasieran balantzea aurkeztu zen eta orain Donostia Kulturaren 2023ko memoria osoa eskuragarri dago. 

Donostia Kulturak gaur, otsailak 27, aurkeztu du haur eta helduei zuzendutako 2024ko udaberriko arte eszenikoetako ordainpeko programazioa. Guztira, helduentzat ordainpeko 45 ikuskizun izango dira apiriletik ekainera Donostia Kulturaren antzoki eta kultur etxeetan: 21 kontzertu, 15 antzezlan eta 9 dantza emanaldi. Horrez gain, 5 haur ikuskizun izango dira eta baita XXI. Giza Eskubideen Zinemaldia ere.

Poesialdia, Donostiako Poesia Astearen seigarren edizioa martxoaren 18tik 22ra izango dugu Victoria Eugenia Club, Liburutegi Nagusia eta Ernest Lluch zein Intxaurrondo kultur etxeetan. Bost egunetan zehar poesiaren inguruko ikuskizunak eta solasaldiak antolatu ditugu hainbat idazle eta artista ezagunen parte hartzearekin: Fernando Aramburu, Mikel Arruabarrena, Mari Luz Esteban, Goizalde Landabaso, Xabier Zeberio, Juan Manuel Uría eta Ángel Unzu. 

Gaur aurkeztu da Donostia Kulturaren 2023ko memoriaren balantzea. Inoiz baino zabalagoa izan da donostiarren parte-hartzea, publikoaren erantzuna eta sortzaileei emandako babesa.

Emakumeak Zientzian ekimenari atxikitako ikerketa-erakunde eta -zentroetan lan egiten duten emakume zientzialari eta teknologo guztiak omenduko dituzte Intxaurrondo Kultur Etxean.

Film laburrik onena aukeratuko dute gai sozialak lantzen dituen nazioarteko lehiaketan. Gazte Epaimahaian parte hartzeak unibertsitateko kredituak lortzeko aukera ematen du. Izen-emate epea martxoaren 15era arte zabalik da.

Gaur, urtarrilak 25, dFERIAren programazio eszeniko osoa aurkeztu da. Ikuskizun hauetarako sarrerak eta abonamendua bihar  goizeko 11:30etik aurrera jarriko dira salgai gure leihatiletan eta webgunean.

Kukai Dantza Taldea eta Jesús Rubio Gamo koreografoak egindako Txalaparta sorkuntza Victoria Eugenia Antzokian estreinatuko da otsailaren 3an eta 4an. Estreinaldiaren inguruan hainbat jarduera antolatu dira.

2024ko dFERIA martxoaren 11tik 14ra bitartean egingo da eta Ane Pikaza interprete eta ilustratzailea izan da datorren urteko feriako irudiaren sortzailea.

Gaurtik aurrera eta abenduaren 28ra bitartean, XXV. Donostia Antzerki Sariko epaimahaikide izateko izen-emate epea zabaldu da.

Hona hemen Donostia Kulturaren guneetako ordutegia abenduaren 21etik urtarrilaren 7ra bitartean.

Aurten ere bost egun iraungo du emakume musikariei ahotsa eta plaza emateko 2019an Donostia Kulturak abiatu zuen eta iaz egun bakarreko emanaldi izatetik bost kontzertuko egitarau izatera jauzi egin zuen Gure Ahotsak kontzertu zikloak. Hala, martxoaren 1etik 7ra emakumezko musikarien bost kontzertu izango dira Victoria Eugenia Antzokiko eta Antzoki Zaharreko oholtzetan: Idoia Asurmendi, Neomak, Merina Gris, Laura Sam y Juan Escribano eta Queralt Lahoz.

Donostia Musikak bederatzi kontzertuko zikloa antolatu du 2024 urterako Victoria Eugenia Antzokian eta Antzoki Zaharrean: Johann Sebastian Bach Zikloa.

Donostia Kulturak gaur, azaroak 22, aurkeztu du haur eta helduei zuzendutako 2024ko neguko arte eszenikoetako ordainpeko programazioa. Guztira, 54 ikuskizun izango dira urtarriletik martxora Donostia Kulturaren antzoki eta kultur etxeetan: 22 kontzertu, 18 antzezlan, 4 dantza emanaldi eta 10 haur ikuskizun.

Lehenengo asteko programazioak harrera arrakastatsua izan eta gero, jaialdia bere azken txanpan sartuko da interes handiko hitzorduekin.

Donostiako Giza Eskubideen 21. Zinemaldian izena emateko epea azaroaren 13tik urtarrilaren 8ra bitartean egongo da zabalik.

Urriaren 27an, ostirala, Vermines (2023) film frantsesak, Sébastien Vaniček zuzendari duenak, Donostiako Fantasiazko eta Beldurrezko Zinemaren 34. Astea inauguratuko du Antzoki Zaharrean. Junta Yamaguchiren River (2023) filmak leku berean itxiko du Astea azaroaren 3an.

Judith Argomaniz koreografoaren Lasala konpainiak SHINE, bere azken sorkuntza, estreinatuko du azaroaren 5ean Victoria Eugenia Antzokian. Estreinaldiaren inguruan hainbat jarduera antolatu dira.

Antzerkingintza Berriak-en 8. edizioaren oinarriak argitaratu dira. 

Vermines (2023) film frantsesak, Sébastien Vaniček zuzendariarenak, inauguratuko du urriaren 27an, Antzoki Zaharrean, Donostiako Fantasiazko eta Beldurrezko Zinemaren 34. Astea. Aurten urriaren 27tik azaroaren 3ra bitartean garatuko da, Antzoki Zaharrean eta Victoria Eugenia Antzokian, eta hiriko beste eszenatoki batzuetan.

Jarraian urriaren 27a eta azaroaren 3a bitartean ospatuko den Fantasiazko eta Beldurrezko Zinemaren 34. Astean zenbait film luzeren aurrerapena.

Albiste honetan Donostia Kulturako guneen 2023-2024 ikasturteko ordutegiak bildu ditugu. Kontrakoa esaten ez den bitartean, ordutegi hau irailaren 7an sartuko da indarrean. Bitartean, udako ordutegia dugu martxan; erreparatu ere matrikulazio ordutegiei (bereziki, irailaren 4tik 6ra). Bukatzeko, aintzat hartu eskoletako opor garaian (gabonetan eta Aste Santuan) ordutegiak beste batzuk izan daitezkeela.

Iturritik Jaialdia urriaren 19tik 22ra antolatuko da. Guztira, aretoko 4 dantza-ikuskizun eta kaleko emanaldi bat izango dira.

Donostia Kultura eta Euskal Idazleen Elkartea dira urtero irailean egin ohi diren Poesia Orduak errezitalen antolatzaileak. Aurten ere bi saio zeuden programatuak, baina bakarra egingo da: hilaren 4an, Etxe bat  (Yolanda Arrieta Malaxetxebarria eta Peru Galbete), Victoria Eugenia Cluben, iluntzeko 19:00etan. Gonbidapenak irailaren 1eko goizeko 11:30etik aurrera eskuragai izango dira webgune honetan, baita Victoria Eugenia eta Antzoki Zaharreko leihatiletan ere.

Opus Liricak Opera Lab Jaialdia antolatu du azaroaren 27tik abenduaren 3ra en el Victoria Eugenia Antzokian. 

Bihar, abuztuak 10, jarriko da salgai udako arte eszenikoetako programazioaren aurrerapen bat. Guztira, 31 ikuskizun dira: lau antzezlan, bost dantza ikuskizun, opera jaialdi bat eta aparteko beste opera bat, eta hamalau kontzertu.

Abuztuaren 3etik  irailaren 1era egingo da Donostian Musika Hamabostaldiaren 84. edizioa. Donostia Kulturako bi gunek hartuko dituzte hainbat emanaldi: San Telmo Museoa eta Victoria Eugenia Antzokiak. Sarrerak musikahamabostaldia.eus webgunean eta Kursaal nahiz Victoria Eugenia Antzokiko leihatiletan daude salgai.

2023 honetan sorginak dira Asteko protagonistak, eta bere kartel ofizialak ere gorazarre egiten die. Itziar Ituño euskal aktoreak sorgina dual bat hezurmamitzen du, argitsua eta iluna, boteretsua eta bihozbera aldi berean.

Albiste honetan Donostia Kulturako guneen udako ordutegiak bildu ditugu. Kontrakoa esaten ez den bitartean, ordutegi hau ekainaren 24tik irailaren 6ra izango da indarrean, biak barne.

Ekainaren 15ean Donostiako Fantasiazko eta Beldurrezko Zinemaren 34. Astean lanak aurkezteko epea irekiko da. Aurtengo jaialdia urriaren 27a eta azaroaren 3a bitartean egingo da. Izena emateko azken eguna abuztuaren 15a izango da.

Etzi, ekainak 9, jarriko da salgai udako arte eszenikoetako programazioa. Guztira, 28 ikuskizun dira: haurrentzako emanaldi bat, helduentzako hemezortzi antzezlan, bi musikal, zirko ikuskizun bat, bi dantza sorkari eta lau kontzertu.

Zea Mays talde bizkaitarrak jasoko du 2023ko Adarra Saria, Donostiako Udalak eta Donostia Kulturak banatzen duten hamargarrena, hain zuzen ere. Ekainaren 21ean, arratsaldeko 19:30ean, Victoria Eugenia Antzokiko oholtzan jasoko du saria eta segidan kontzertua eskainiko du. Kontzerturako sarrerak datorren astelehenean, maiatzak 15, jarriko dira salgai, goizeko 11:30ean.

Donostiako Giza Eskubideen 20. Zinemaldia, hiriko Udaleko Giza Eskubideen Sailak eta Donostia Kulturak antolatua, apirilaren 21etik 28ra bitartean garatu da.

34. Gazteen Antzerki Topaketan 20 antzezlan eskainiko dira hiriko sei agertokitan maiatzaren 17tik ekainaren 16ra. Horietatik 15 emanaldi Donostia Kulturako espazioetan izango dira: Victoria Eugenia Cluben, Antzoki Zaharrean, Gazteszenan (Egia) eta Imanol Larzabalen (Lugaritz).

Bihar, maiatzak 4, jarriko da salgai udako arte eszenikoetako programazioaren aurrerapen bat. Guztira, 10 ikuskizun dira: haurrentzako emanaldi bat, helduentzako lau antzezlan, bi musikal, zirko ikuskizun bat, dantza sorkari bat eta kontzertu bat.

Las buenas compañías (Sílvia Munt; Espainia-Frantzia, 2022) filmak Donostiako Giza Eskubideen 20. Zinemaldian Ikusleen Saria Film Luze Onenari lortu du.

XV. Dantza Kalean eta XXV. Kontxako Barra Klasikoak emango diote hasiera, asteburu honetan, Gipuzkoako Dantza Profesionalen Elkarteak (APDG) antolatutako Dantza Hilabetearen ospakizunei, maiatzaren 28an emango den Dantzaren Nazioarteko Eguneko XXVI Galarekin itxiko dena.

Carmen Castillo zinegile txiletarrak jasoko du aurten Donostiako Giza Eskubideen Zinemaldiaren Saria. Sariaren entrega ostiralean, apirilak 21, 19:30etan Victoria Eugenia Antzokian ospatuko den inaugurazio emanaldian izango da.

Giza Eskubideen 20. Zinemaldiko Artea eta Giza Eskubideak, haur eta gazteen 19. ekitaldia erakusketa irekita egongo da apiririlak 21etik 28ra Victoria Eugenia Antzokian (sarrera Okendo plazatik).

 Justizia unibertsala, abortatzeko eskubidea, Ukraina eta etxegabetasuna izango dira besteak beste filmen eta solasaldien gaietako batzuk apirilaren 21etik 28ra izango den eta hiriko zenbait lekutan erakusketak barnean hartu dituen zinemaldi honetan.

Iratxe Ansa eta Igor Bacovich-ek gidatzen duten Metamorphosis Dance konpainiak bi emanaldi ditu apirilaren 13an (Prisma) eta 15ean (CreAcción) Victoria Eugenia Antzokian. Gainera, bi entsegu ireki eta topaketa bat egongo dira bi koreografoekin.

Hona hemen Donostia Kulturaren guneetako ordutegia apirilaren 3tik 16ra bitartean. 2022-2023 ikasturtean zehar ohiko den ordutegiarekin hainbat aldaketa dago.

Datorren astelehenean, martxoak 27, Antzerkiaren Nazioarteko Institutuak 1961. urtean sortu zuen Antzerkiaren Nazioarteko Eguna ospatuko da, eta aurtengo mezua Egipton jaiotako Samiha Ayoub interpreteak idatzi du (euskarazko itzulpena: Iñaki Iñurrieta). Egun horretako ospakizunen barne, XXIII. Donostia Antzerki Sariko gala antolatu da Victoria Eugenia Antzokian. 

Donostia Kulturak helduentzako eta haurrentzako ordainpeko udaberriko arte eszenikoetako programazioa aurkeztu du gaur. Guztira, 47 ikuskizun izango dira Donostia Kulturaren antzoki eta kultur etxeetan emango direnak: 18 kontzertu, 16 helduentzako antzezlan, 3 haur antzezlan eta 10 dantza ikuskizun.

dFERIAren edizio honetako nobedadea nazioartekotze-ildoa indartzea izan da, batez ere Europari begira. Horrek fruituak eman ditu, eta nazioarteko profesional akreditatuen kopurua nabarmen handitu da. Gainera, nabarmentzekoak dira dFERIAn izandako maila artistiko altua eta proposamenen aniztasuna, dFERIA estatu mailako erreferente bezala kokatzen dutenak. Azkenik, publikoaren erantzuna eta akreditatuen maila berreskuratu egin dira pandemiaren ondoren.

Poesialdia, Donostiako Poesia Astearen bosgarren edizioa martxoaren 20tik 27ra izango dugu Victoria Eugenia Club, Liburutegi Nagusia eta Ernest Lluch Kultur Etxean. Sei egunetan zehar poesiaren inguruko ikuskizunak eta solasaldiak antolatu ditugu Euskal Herriko (Itziar Ugarte, Harkaitz Cano, Aritz Gorrotxategi eta Pello Otxoteko) zein kanpoko poetekin (Carlos Marzal, Manuel Vilas eta Mircea C?rt?rescu). Albistearen azken paragrafoan adierazi dugu nola lortu gonbidapenak.

Martxoaren 8ko ospakizun eta aldarrikapenen harira, Donostia Kulturak hainbat ekitaldi antolatu edo lagundu du. Albiste honen helburua da martxoaren 3tik 12ra gure guneetan dauden jarduera nabarmenenak biltzea.

Donostia Kulturaren 2022ko memoria osoa, eskuragarri dago jada. Urtarrilean balantzea aurkeztu zen eta oraingoan memoria osoa. 

Espainiako Kultura Ministerioak 2022an 18 urte bete zituzten gazteentzako iaz abiatu zuen Gazte Kultur Bonua Donostia Kulturako antzoki, kultur etxeetan eta museoan ere baliatu ahal izango da 2023ko otsailaren 28tik aurrera.

Kamikaz Kolektiboak eta Ttak Teatroak sortutako Hiru kortse, azukre asko eta brandy gehiegi antzezlanak lortu du Donostiako Udaleko Euskara Zerbitzuak eta Donostia Kulturak antolaturiko XXIII. Donostia Antzerki Saria. 

Arte eszenikoetako profesionaleei zuzendutako dozena bat jarduera antolatu ditu Feriak, progromatzaileak, konpainiak, kultur eragileak, banatzaileak...zuzenduak. 

Bihar, otsailak 16, jarriko da salgai udaberriko arte eszenikoen eta musika programazioaren aurrerapen bat. Guztira, 19 ikuskizun dira: zazpi kontzertu, sei antzezlan, bost dantza ikuskizun eta dantza jaialdi bat.

Gaur, urtarrilak 27, dFERIAren programazio eszeniko osoa aurkeztu da. Ikuskizun hauetarako sarrerak eta abonua goizeko 11:30etik aurrera jarriko dira salgai gure leihatiletan eta webgunean.

Gaur aurkeztu da Donostia Kulturaren 2022ko memoriaren balantzea. Publikoaren erantzunak Donostia Kulturaren jarduera pandemia aurreko agertokira itzuli du, bai kopuruetan (leihatila, ikastaro, jaialdiak), baita asmoetan ere.

58. Jazzaldiak tokiko 10 euskal jazz talde sartuko ditu bere programazioan uztailean. Eta urtarrilaren 16an abiatuko da horiek aukeratzeko prozesua. Hamabost emanaldi egongo dira Victoria Eugenia Club, Kutxa Kultur Kluba eta Altxerri aretoetan.

Edizio hau datorren urteko martxoaren 13tik 16ra bitartean egingo da eta Fake edo albiste faltsuak izango ditu ardatz, hau da, faltsua eta egiazkoa bereizteko zailtasun gero eta handiagoa.

2022ko Antzerkigintza Berriak programako deialdia bere azken fasean sartu da abenduaren 13an eta 14an Donostian egindako laborategiak amaitu ondoren.

Pasa den ekainean DKren plataforma berria abiarazi ondoren, bere marka nagusien webguneak berrituko ditugu orain, eta Victoria Eugenia Antzokiarena izan da lehena.

Hona hemen Donostia Kulturaren guneetako ordutegia abenduaren 21etik urtarrilaren 8ra bitartean.

Donostia Kulturak helduentzako ordainpeko neguko arte eszenikoetako programazioa aurkeztu du gaur. Guztira, 51 ikuskizun izango dira Donostia Kulturaren antzoki eta kultur etxeetan emango direnak: 30 kontzertu, 17 antzezlan eta 4 dantza ikuskizun. Aldi berean, haurrentzako ordainpeko eta doaneko hainbat ikuskizun aurkeztu ditu ere.

Gaurtik aurrera eta abenduaren 22ra bitartean, XXIV. Donostia Antzerki Sariko epaimahaikide izateko izen-emate epea zabaldu da.

Bosgarren urtez egingo den Gure Ahotsak ekimenak formatua aldatuko du eta martxoaren 3tik 7ra emakumezko musikarien bost kontzertu izango dira Victoria Eugenia Antzokiko oholtzan. Hurrenez hurren, Natalia Lacunza, Olatz Salvador, La Bien Querida, Maite Larburu eta Neomak bakarlari eta taldeen emanaldiez gozatu ahal izango dugu. Sarrerak abenduaren 7an jarriko dira salgai, goizeko 11:30ean, Victoria Eugenia eta Antzoki Zaharreko leihatiletan, baita donostiakultura.eus/sarrerak helbidean ere.

Donostia Musikak hamabost kontzertuko zikloa antolatu du 2023 urterako Victoria Eugenia Antzokian eta Antzoki Zaharrean: Franz Schubert Zikloa.

Gaur, azaroak 10, apirilaren 21etik 28ra arte ospatuko den Giza Eskubideen 20. Zinemaldian film laburrak eta film luzeak inskribatzeko epealdia ireki da. Izena emateko azken eguna urtarrilaren 8a izango da.

Donostia Kulturak bihar, azaroak 3, jarriko du salgai urtarrileko programazioa. Guztira, 16 ikuskizun dira: 9 kontzertu, 3 antzezlan, 2 dantza ikuskizun, eta musikal eta magia ikuskizun bana.

Hurrengo negurako aurreikustekoak diren zailtasun energetikoak direla eta, Donostia Kulturak zenbait neurri landu ditu egoerari aurrea hartzeko. Ildo horretatik, hainbat hilabetez aritu da lanean, energia aurrezteko beharra eta Donostiako eta inguruetako kultur kontsumitzaileen eskaerei erantzuteko beharra bateratu eta ahalik eta irtenbiderik onena bilatu nahian.

Urriaren 24an Liburutegien Eguna dela eta, Donostia Kulturako Liburutegi Zerbitzuak, Medialab Tabakalerak eta Koldo Mitxelena Kulturuneko Liburutegiak elkarlanean Joera berriak liburutegietan izeneko jardunaldia antolatu dute Victoria Eugenia Cluben.

Irati eta Abyzou filmek ireki eta itxiko dute Astea, urriaren 28a eta azaroaren 4a bitartean garatuko dena.

Urriaren 25ean, 19:00etan, Victoria Eugenia Antzokian proiektatuko da Los Xey. Una historia de película talde donostiar mitikoaren bizitza eta obra errepasatzen dituen dokumentala.

Kepa Junkera (Bilbo, 1965) musikariak 2020ko Adarra Saria jasoko du irailaren 21ean, Victoria Eugenia Antzokian, 19:30ean, Donostiako alkate Eneko Goiaren eskutik. 70. Donostia Zinemaldiaren EITB Galaren baitan, musikari bilbotarrari buruz Fermin Aiok zuzendu duen Berpiztu dokumentalaren proiekzioaren aurretik izango da sari banaketa; artistaren osasun arrazoiak zirela medio, Donostia Kulturak ezin izan baitzion Junkerari 2020an eman urtero musikaren alorrean ematen duen Adarra Saria.

Donostia Kulturak salgai jarriko du bihar, irailak 15, udazkeneko arte eszenikoetako ordainpeko programazioa. Guztira, 61 ikuskizun izango dira Donostia Kulturaren antzoki eta kultur etxeetan: 28 kontzertu, 15 antzezlan, 5 dantza ikuskizun, haurrentzako 13 ikuskari eta bi jaialdi, Iturritik dantza jaialdi berria eta Fantasiazko eta Beldurreko Zinemaren 33. Astea.

Iturritik Jaialdia urriaren 18tik 23ra antolatuko da. Guztira, 5 dantza-ikuskizun eta kaleko emanaldi bat izango dira.

Donostia Kultura eta Euskal Idazleen Elkartea dira urtero irailean egin ohi diren Poesia Orduak errezitalen antolatzaileak. Aurten ere bi antolatu dira: hilaren 7an, Alaska (Castillo Suarez, Juantxo Zeberio eta Xabi Lozano)  eta hilaren 8an Olatu arteko txalupa arraroa (Joseba Sarrionandia eta Ines Osinaga). Biak Victoria Eugenia Cluben izango dira, iluntzeko 19:00etan. Sarrera doakoa izango da, baina gonbidapenak jaso beharko dira antzokiko leihatilan, emanaldien egunetan arratsaldeko 17:00etatik aurrera.

Irailaren 1ean ekingo diogu ikasturte berriari gure zentroetan. Gogoratu aurten irailaren 6a eta 9a jaiegunak direla, eta horren ondorioz iraileko lehen egunetan ordutegi bereziak izango ditugula hainbat gunetan.

Donostia Kulturak salgai jarriko du bihar, abuztuak 11, urriko programazioa. Guztira, 13 ikuskizun dira: 5 kontzertu, zirku bat, 3 antzezlan eta haurrentzako 4 ikuskizun.

Abuztuaren 2tik 27ra izango dugu Donostian, baita Euskal Herriko beste hainbat herritan ere, Musika Hamabostaldiaren 83. edizioa. Donostia Kulturako bi gunek jasoko dituzte hainbat emanaldi: San Telmo Museoak eta Victoria Eugenia Antzokiak. Sarrerak musikahamabostaldia.eus webgunean eta Kursaal nahiz Victoria Eugenia Antzokiko leihatiletan eskuratu ahal dira.

Victoria Eugenia Antzokiak salgai jarriko du bihar, uztailak 12, udazkeneko programazioaren aurrerapen bat. Guztira, 11 ikuskizun dira: 7 kontzertu, opera bat eta 3 antzezlan.

Zortzi kontzertuk osatzen dute JazzEñeren VIII. edizioa, SGAE Fundazioak Jazzaldiarekin batera antolatutakoa. Uztailaren 21etik 24ra, eguerdiko 12:30etatik aurrera, saio bikoitzean, Victoria Eugenia Antzokian.

Albiste honetan Donostia Kulturaren guneen udako ordutegiak bildu ditugu. Kontrakoa esaten ez den bitartean, ordutegi hori ekainaren 24tik irailaren 6ra izango da, biak barne. Azpimarratu behar da irailaren 6a jaieguna dela aurten Gipuzkoan.

Goyo Jiménez ek emango dio hasiera 2022ko udako antzerkiari Victoria Eugenia Antzokian.

Ekainaren 15ean Donostiako Fantasiazko eta Beldurrezko Zinemaren 33. Astean lanak aurkezteko epea irekiko da. Aurtengo jaialdia urriaren 28 eta azaroaren 4a bitartean egingo da. Izena emateko azken eguna abuztuaren 15a izango da.

Donostia Kulturak antzerki, dantza eta musika egitarau zabala antolatu du udarako: 25 ikuskizun guztira (20 antzezlan, 2 musikal, dantza ikuskari bat, kontzertu bat eta zarzuela bat). Emanaldiak Victoria Eugenia Antzokian, Antzoki Zaharrean, Gazteszenan eta Lugaritz Kultur Etxean izango dira.