2024-2025 ikasturteko ordutegiak Donostia Kulturaren guneetan

Bulego orokorrak

Erregina Erregeorde 8ko bulegoak (Victoria Eugenia Antzokia) eta Konstituzio plaza 1eko bulegoak:

• Irailaren 15a arte, astelehenetik ostiralera: 9:00-13:30.
• Irailaren 16tik aurrera, astelehenetik ostiralera, jaiegunetan eta zubietan izan ezik: 9:00-14:00.

San Telmo Museoa eta Urgulleko Historiaren Etxea

San Telmo Museoak ohiko ordutegia mantenduko du. Hau da, asteartetik igandera, 10:00-20:00. Azarotik martxora bitartean neguko ordutegia izango du: asteartetik igandera, 10:00-19:00.

San Telmo Museoko Liburutegia: astearteetan eta ostegunetan, 10:00-14:00 / 16:00-20:00; asteazkenetan eta ostiraletan, 10:00-14.00. Azarotik martxora, liburutegia ere 19:00etan itxiko da. Zubi eta jaiegunetan itxita.

Urgulleko Historiaren Etxea: irailaren 1etik urriaren 31 arte larunbat eta igandeetan (11:00-19:00) zabalduko ditu ateak, estropada-igandeetan (irailak 1 eta 8) izan ezik. Azarotik udaberrira erabat itxita egongo da.

Victoria Eugeniako eta Antzoki Zaharreko leihatilak

Programazioaren arabera joango dira leihatiletako ordutegiak egokitzen.

Victoria Eugeniako leihatila astelehenetik larunbatera: 11:30-13:30 / 17:00-20:00. Igande eta jaiegunetan emanaldia dagonean soilik irekiko da. Ikuskizuna beranduago hasiz gero, leihatila hura hasi arte egongo da zabalik. Eta ikuskizuna irekiera ordua baino lehenago hasiz gero, ikuskizuna hasi baino ordubete lehenago irekiko da.

Antzoki Zaharreko leihatila:

• Bertan ekitaldirik ez bada: astelehenetik ostiralera: 11:30-13:30.
• Bertan ekitaldiren bat bada: 11:30-13:30 / 17:00-20:00. Ikuskizuna beranduago hasiz gero, leihatilak hura hasi arte egongo dira zabalik. Eta lehenago hasiz gero, ikuskizuna hasi baino ordubete lehenago irekiko da.
• Zinemaldia garaian (irailak 20-28) Antzoki Zaharreko leihatila zinemaldiko sarrerak saltzeko bakarrik irekiko da eta ordutegi berezi batean, hau da emanaldi bakoitzaren aurretik ireki eta ondoren itxi hurrengo emanaldiaren aurretik berriro irekitzeko.
• Irailean Antzoki Zaharra egun hauetan egongo da itxita: 16tik 19ra eta 30ean (programaziorik ez dagoen igandeez gain: 29an).

Kultur etxeak eta liburutegiak

2024-25 ikasturteko matrikulazio ordutegiei dagokienez, kontsultatu lotura. Goian adierazi bezala, neguko ordutegia kultur etxe eta liburutegietan irailaren 5ean sartuko da indarrean.

Aiete Kultur Etxea: asteartetik ostiralera, 16:00-20:30; larunbatetan, 10:00-14:00 / 16:30-20:00; igandeetan, 10:00-14:00. Astelehenetan eta jaiegunetan itxita.

Amundarain Mediateka (Martutene): astelehenetik ostiralera, 17:00-20:00, jaiegunetan eta zubietan izan ezik.

Casares eta Tomasene kultur etxeak:

• Casares astelehenetik ostiralera (10:00-14:00 / 16:00-20:30) egongo da zabalik. Jaiegunetan eta zubietan itxita.
• Tomaseneri dagokionez, astelehenetik ostiralera (10:00-14:00 / 16:00-20:30); zubietan eta larunbatetan (10:00-14:00 / 16:30-20:00). Jaiegunetan itxita.

Egia Kultur Etxea: astelehenetik ostiralera zabalduko da: 10:00-14:00 / 16:00-20:30. Jaiegunetan eta zubietan itxita.

Ernest Lluch Kultur Etxea: astelehenetik ostiralera: 10:00-14:00 / 16:00-20:30; larunbatetan eta zubietan, 10:00-14:00 / 16:30-20:00. Jaiegunetan itxita.

Intxaurrondo Kultur Etxea: astelehenetik ostiralera, 16:00-20:30. Jaiegun eta zubietan itxita.

Larratxo Liburutegia: astelehenetik ostiralera, 16:30-20:00. Jaiegun eta zubietan itxita.

Larrotxene Kultur Etxea: astelehenetik ostiralera, 16:00-20:30. Jaiegun eta zubietan itxita.

Liburutegi Nagusia (Alderdi Eder): astelehenetik ostiralera, 10:00-20:30; larunbatetan eta zubietan, 10:00-14:00 / 16:30-20:00. Jaiegunetan itxita.

Liburutegi Nagusiko Haur Saila (Fermin Calbeton 25): astelehenetik ostiralera, 16:00-20:00; larunbatetan eta zubietan, 10:00-14:00. Jaiegunetan itxita. Ordu horietaz gain, Haur Liburuaren Dokumentazio Guneak (eraikin berean dagoena) astelehenetik ostiralera zabalduko ditu ateak arratsaldez (16:00-20:00) eta goizez astearte eta asteazkenetan (10:00-14:00). Goizeko hitzorduetan aldez aurretik hartu behar da ordua.

Loiola Kultur Etxea: astelehenetik ostiralera, 16:00-20:30. Jaiegun eta zubietan itxita.

Lugaritz Kultur Etxea: astelehenetik ostiralera, 16:00-20:30. Jaiegun eta zubietan itxita.

Okendo Kultur Etxea: astelehenetik ostiralera, 10:00-14:00 / 16:00-20:30. Larunbatak eta zubiak: 10:00-14:00 / 16:30-20:00. Jaiegunetan itxita.

Urgulleko Damen Bateriako Liburutegia: abuztuaren 31n ateak itxi eta ikasturtean zehar ez da zabalduko.