Opera Lab Jaialdia azaroaren 27tik abenduaren 3ra

Opus Liricaren espazio bat da Opera Lab, sortzeko modu berri bat martxan jartzen saiatzen dena. Opera Labek opera deseraiki eta XXI. mendeko Operarako narratiba berri bat sortu nahi du. Opera analitikoki desegitea da asmoa, ikuspegi berri bat emateko eta beste errealitate artistiko batzuekin zeharkako egiturak ezarri ahal izateko. Zeharkako prozesu horiek dantza, bizitza, estetika, historia eta abarrekin dute zerikusia. LABorategi honetatik ideiak, proposamenak, esperimentuak, sorkuntzak eta errealitateak aterako dira, opera ikusteko eta ulertzeko modu berri baten aurrean jartzen gaituztenak.

Opera Labek, alde batetik, opera bat sortzeko prozesuak azalduko dituen dimentsio didaktiko bat sustatzen du eta, bestetik, prozesu parte-hartzaile bat, publikoa eta beste erakunde artistiko batzuk bete-betean sartu eta sorkuntzaren prozesuan parte hartu ahal izateko.

Opera Laben, Opus Liricaren talde osoa dago tartean. Sormen eta garapen laborategi bat da, eta 2024an taularatuko duten La Traviata operaren proiektua sortzeko oinarriak aterako dira bertatik.

Egitaraua

• Laborategia 1 (Victoria Eugenia Club, azaroak 27, 19:00)
• Laborategia 2 (Victoria Eugenia Club, azaroak 28, 19:00)
• Laborategia 3 (Victoria Eugenia Club, azaroak 29, 19:00)
• The Telephone (Menotti), La voix humaine (Poulenc) (Victoria Eugenia, azaroak 30, 19:30)
• Biba Verdi: Nabucco, Aida, Rigoletto (Victoria Eugenia, abenduak 1, 19:30)
• Serenata: Donizetti, Verdi, Puccini (Victoria Eugenia, abenduak 2, 19:30)
• La Traviata snack, G. Verdi (Victoria Eugenia, abenduak 3, 19:00)

Sarrera salmenta

3 laborategietarako eta lau operatarako sarrerak eta jaialdirako abonamendua abuztuaren 10ean jarriko da salgai, goizeko 11:30etik aurrera Victoria Eugenia Antzokiko eta Antzoki Zaharreko leihatiletan eta donostiakultura.eus/sarrerak webgunean.