Dantza FamilianEneko Gil

Ekimen honek artea eta, bereziki, dantza familiara gerturatzea du helburu. Modu ludiko eta parte-hartzailean, familia osoak sormen gaitasuna lantzeko, erritmo eta mugimenduan barneratzeko eta giza harremanetan sakontzeko aukera izango du. Oraingo honetan, Eneko Gil koreografo eta dantzariak zuzenduko du dantza tailerra.

4 urtetik gorako haurren familiei zuzenduta dago eta haurrek gutxienez heldu batekin etorri beharko dute, saioan beraiekin partehartzeko. Helduek eta haurrek eman behar dute izena maiatzaren 7ko 11:30etatik aurrera (ekitaldi honen fitxan automatikoki azalduko den erreserbatzeko botoiaren bidez).