Dantzaren Nazioarteko Eguneko XXVIII. Gala

Gipuzkoako Dantza Profesionalen Elkarteak1996an eman zien hasiera Dantzaren Nazioarteko Eguna ospatzeko jarduerei. Egun hori ospatzeko lehen gala handik urtebetera antolatu zuen. Betiko bidetik, Dantzaren Nazioarteko Eguneko XXVIII. Galak dantza estilo sorta zabala erakutsiko du, dantzari eta konpainien lankidetza altruistari esker, eta bertako dantzari eta taldeen lana nabarmenduko du.

Besteak beste, honako hauek parte hartuko dute aurten: Ion Agirretxe, Cristina Casa, Alejandro Polo eta Gaizka Morales (horiek guztiak, Espainiako Dantza Konpainia Nazionalekoak), Mikel Arana, Uikan Dantza konpainia eta Real Conservatorio Profesional de Danza Mariemma.

Gipuzkoako Dantza Profesionalen Elkarteak (APDG) Gorka Duran eta Alberto Sagardia saritzea erabaki du aurten. Gorka Duranek, 2025eko Errebelazio Saria jasoko du eta Alberto Sagardiari aipamen berezia egingo diote. Sari-emate ekitaldia galan bertan egingo da.